«ՌՈՔ Կապիտալ»-ը Newmag հրատարակչության հետ համագործակցության շրջանակում հանդես եկավ որպես Summer Fest 2026 փառատոնի գլխավոր հովանավոր՝ միանալով նախաձեռնության, որը մեկ հարթակում համախմբեց ընթերցանության, գրականության և ոգեշնչող քննարկումների սիրահարներին։
Փառատոնի կարևոր իրադարձություններից մեկը համաշխարհային թենիսի հայազգի լեգենդ Անդրե Աղասիի՝ «ՌՈՔ Կապիտալ»-ի աջակցությամբ հայերեն թարգմանված և հրատարակված «Անկեղծորեն» հուշագրության շնորհանդեսն էր, որին հաջորդեց թեմատիկ պանելային քննարկումը:
Գրքի ընտրությունը պատահական չէր։ «Անկեղծորեն»-ը պատմություն է ոչ միայն թենիսի, այլև կարգապահության, ինքնաճանաչման, դժվարությունները հաղթահարելու և երկար ճանապարհին չհանձնվելու մասին. արժեքներ, որոնք կարևոր են ոչ միայն խաղադաշտում, այլև ներդրումային աշխարհում։
Այս գաղափարներն արտացոլում են «ՌՈՔ Կապիտալ»-ի We don't play games. We play the match. կարգախոսի գաղափարախոսությունը: Ինչպես թենիսում, այնպես էլ ներդրումային ոլորտում հաջողությունը պայմանավորված է ոչ միայն անհատական վարպետությամբ, այլև խաղազույգի միջև վստահությամբ և համատեղ աշխատանքով։
«ՌՈՔ Կապիտալ»-ի համար նման նախաձեռնություններին աջակցելը ներդրում է ընթերցանության մշակույթի, ինքնակրթության և նոր գաղափարների տարածման գործում։ Մենք հավատում ենք, որ գիտելիքն ու շարունակական զարգացումը երկարաժամկետ արժեք ստեղծելու կարևորագույն նախադրյալներից են՝ ինչպես յուրաքանչյուր անհատի, այնպես էլ հասարակության համար։
