ԿԱՐԻԵՐԱՆ
ՌՈՔ ԿԱՊԻՏԱԼՈՒՄ
ՌՈՔ Կապիտալում յուրաքանչյուր աշխատակից իրեն գնահատված և կարևորված է զգում
ԿԱՐԻԵՐԱՆ
ՌՈՔ Կապիտալն ընձեռում է անձնական և մասնագիտական աճի հնարավորություն՝ տաղանդավոր և ընկերական շրջապատում
Մեր աշխատակիցները մեր ամենաթանկարժեք ակտիվն են, և մենք ձգտում ենք նրանց համար ստեղծել հարմարավետ աշխատանքին և մասնագիտական զարգացմանը նպաստող բոլոր պայմանները:
Եռամսյակային և տարեկան բոնուսներ
Առողջության ապահովագրություն
Սերտիֆիկացման քննությունների փոխհատուցում
Կենսաթոշակի համաֆինանսավորում
Ամուսնության նվեր
Մեր մարդիկ
Մեր աշխատակիցների հաջողության պատմությունները մոտիվացնում և ոգեշնչում են մեզ
Մանե Գաուդյան
Ավագ թրեյդեր
Մանե Գաուդյանն Արմբրոկում աշխատում է որպես բրոքեր-դիլեր 2019 թվականից: Նրան սիրում և հարգում են ոչ միայն Արմբրոկի թիմակիցներն, այլ նաև Հայաստանի ներդրումային ծառայությունների ոլորտի այլ ընկերություններում աշխատող գործընկերները: 2023 թվականին Հայաստանի ֆոնդային բորսան նրան մրցանակ է շնորհել որպես ֆոնդային բորսայում նոր AMX Trader ծառայության փորձարկման գործընթացում առավել նշանակալի ներդրում ունեցած գործընկեր:
Էդգար Աղաբեկյան
Գլխավոր դիլեր
Էդգար Աղաբեկյանն ընկերությունում աշխատում է արդեն երեք տասնամյակ՝ նրա հիմնադրման օրվանից: Հենց Էդգարն է հետևում, որ գործարքները կատարվեն սահմանված ժամկետներում և լավագույն պայմաններով: 2023 թվականին նա շահեց AMX մրցանակը՝ որպես AMX Trader-ի նոր պլատֆորմի փորձարկման գործում ամենանշանակալի ներդրումն ունեցած գործընկեր: Էդգարն ունի մի գեղեցիկ դուստր՝ Մարիին, որը շատ տաղանդավոր երիտասարդ նկարիչ է։
Էլմիրա Ղալումյան
Դեպոզիտարիայի, պահառության և հաշվարկային գործառնությունների դեպարտամենտի ղեկավար
Ընկերության պահառության և ռեեստրի վարման ստորաբաժանման հիմնադրման օրվանից Էլմիրա Ղալումյանի նվիրված աշխատանքն այս ծառայությունները դարձրեց ոլորտում որակի չափանիշ: Նրա ղեկավարությամբ Արմբրոկի դեպոզիտարիան բազմիցս հաղթել է Հայաստանի ֆոնդային բորսայի և Հայաստանի Կենտրոնական Դեպոզիտարիայի տարեկան մրցանակաբաշխությունների տարբեր անվանակարգերում:
Էդուարդ Խաչերյան
Ավագ թրեյդեր
Էդուարդը երկու անգամ զբաղեցրել է առաջին տեղը Virtual Stock Exchange մրցույթում (Լիբանան)։ Այնուհետև նա աշխատել է որպես մասնագետ BLOM Invest Bank-ի թրեյդինգային դեսքում։ 2020 թվականին տեղափոխվեց հայրենիք և միացավ Glocal ընկերությանը՝ որպես որպես ներդնողների հետ աշխատող մասնագետ: Ֆինանսական շուկաների հանդեպ իր կրքի և աշխատանքի բարձր արդյունավետության շնորհիվ այսօր Էդուարդը Արմբրոկի թրեյդինգային դեսքում է, արդեն ավագ թրեյդերի դիրքում։
Միլենա Ղայֆաջյան
Միջազգային պահառուական և հաշվարկների ղեկավար
Միլենան իր կարիերան սկսել է որպես ֆինանսական խորհրդատու։ Այնուհետև նա անցել է օպերացիոն բաժին, որտեղ ձեռք է բերել գիտելիքներ և հմտություններ կաստոդիալ ծառայությունների, հաշվարկների, գանձապետարանի գործառնությունների ոլորտներում։ Արագ մասնագիտական աճի և առաջնորդական հմտությունների շնորհիվ նա նշանակվել է ընկերությունում ղեկավար պաշտոնի։ Այսօր նա պատասխանատու է բեք-օֆիսի գործառույթների անխափան աշխատանքի և օպերացիոն հուսալիության ապահովման համար։
Սամվել Սահակյան
Ֆինանսական տնօրեն
Սամվելը կարիերան Արմբրոկում սկսել է որպես հետազոտությունների բաժնի ղեկավար, որտեղ ձևավորել է վերլուծական և շուկայի խորքային ուսումնասիրության ուժեղ հիմք՝ ձեռք բերելով վստահելի փորձագետի հեղինակություն ֆինանսական վերլուծության մեջ։ Նրա պրոֆեսիոնալիզմը բնականաբար նրան տարավ հաջորդ քայլի՝ Ֆինանսական տնօրեն պաշտոնին։ Սամվելը ունի տնտեսագիտության թեկնածուի աստիճան և ներկայումս հանդիսանում է CFA ծրագրի Level III թեկնածու։
Մեր գրասենյակը
Մայրաքաղաքի սրտում գտնվող մեր գրասենյակը պարզապես աշխատանքային տարածք չէ, այլ նաև հաղորդակցվելու և ստեղծագործելու համար լավագույնս հարմարեցված ժամանակակից վայր:
Կորպորատիվ միջոցառումներ
Մեր կորպորատիվ միջոցառումները վառ և անմոռանալի իրադարձություններ են: Մենք գիտենք ոչ միայն քրտնաջան աշխատել, այլ նաև լիաթոք զվարճանալ: Հանգստյան օրերի և թիմային ոգու ամրապնդմանն ուղղված ուրախ միջոցառումների անցկացումն օգնում են թիմում ստեղծել ջերմ և ընկերական մթնոլորտ:
Հետաքրքրությունների ակումբներ
Մենք ունենք հետաքրքրությունների ակումբներ, որոնք միավորում են աշխատակիցներին ըստ նախընտրությունների՝ սպորտից և ճանապարհորդությունից մինչև էնոֆիլիա և արվեստ: Միացեք մեզ և գտեք համախոհներ ձեր սիրված զբաղմունքն ու երազանքները կյանքի կոչելու համար:
Թափուր աշխատատեղեր
Ծանոթացեք մեր թափուր աշխատատեղերին և միացեք մեր թիմին: